英國買屋，viewing及bidding過程固然辛苦，申請mortgage都好漫長，但牛家姐覺得另一煩人的過程，係律師間的溝通，萬一做mortgage就係3個律師之間的溝通。 呢個404鴻溝，唔完全因為語言問題，而係各種想像唔到的情況。以下只可列舉，不能盡錄；因為，我自己買和見證不同谷友買，都不斷有新的”驚”喜。
嘗試歸納為以下情況：
(1) 黑洞 ★ 我第一間BTL，用衰Agent 介紹的本地律師，我同佢問與答的來回時間係以星期做單位；問一個問題，平均一星期以上先回應，有時如黑洞咁冇回覆。最後間屋太多問題，Pull out 了。 ★ 試過有一個律師，開頭都OK，有問有答，但有日突然開始問什麼都沒回應。向佢上司查問下先知佢原來佢大左肚，但完全沒同我交待過。後來個上司安排左另一毎律師，就好快手，一天都光晒。
(2) 佛系 ★ 呢種情況，我會形容為，個律師唔係唔做野。只係佢唔會替你著急。 ★ 有個谷友MOS已收到一個月後，我問她進度如何，係咪佢律師已收到賣家Contract Pack 了？一問律師先知原來佢一直沒收過Seller文件，但佢唔會主動話俾谷友知。咁谷友叫Sourcing Agent幫手問賣家Agent，幾番催促之下對方律師竟然話佢唔記得左Send。咁就拖左一個月。
(3) 等來等去 ★ 當律師收MOS 後，一般你都會好迷惘，因為律師一般都唔會話你知下一步會係點，總之佢會幫你啦。 ★ 有的律師會久唔久update 你，但好多都唔會適當地update你，而係突然做好晒野一堆文件俾你，或你問時佢答。當你途中追問進度時，好的律師會好”客氣”咁話你知，佢已跟進中，你等消息。好的或會估個時間俾你，或好老實咁同你講，佢都係等待中。 ★ 當進度好慢時，我聽得最多的律師解釋係，佢Send左問題問賣家律師，等緊回覆，但Seller Agent又話已對方話覆左。簡直係羅生門。而律師們之間，總係電郵來往，幾次來回已耗掉幾星期。快的方法，幾乎每次都要拜託Sourcing Agent同Seller’s Agent 問來問去。我經歷最頂癮一次，就係有個谷友錢已Ready，文件已搞好，但遲遲未能exchange，雙方律師一個話未答佢問題，一個又話答左。最後原來係買家律師問“Where is the manhole located?” 但個賣方律師就只答 “The manhole is fully accessible.” 。 咁點啫，最後靠 agent 們互相溝涌，個seller 律師先將manhole 位置影左相。就因為個manhole 拖左好多個星期先complete。
(4) 是但求其 ★ 文件寫錯名，send錯電郵，呢的真係極普遍之事。試過有谷友的律師一直都收唔到賣家contract pack，咁我就提佢叫Sourcing Agent 問下對家Agent 有沒send 錯email。好在佢地有副本 Sourcing Agent ，發現真係寫錯左。唔好以為律師係好細心的，英國的律師好多都好求其。
而以上情況絶對唔係單一事件，是可以在同一個買賣中同時發生的。
當然都有好好的律師，有的律師文件及Legal Report 清清楚楚，有的會願意whatsapp/signal 同你溝通，有的如見賣家律師沒合理反應會提你，有的甚至會將重要電郵bcc你。所以，如你遇到好的律師要mark住佢。
另外，我覺得賣買方的溝通雖然officially 係要兩家律師去傾，但其實真正又快又正咁揾到Seller 傾，其實係靠我的agent 和對家agent的溝通。例如要佢整的咩，要Bargain價錢，或了解律師們等來等去的真正原因，往往都係靠Agent 們的溝通。當然，傾好了的事，最後一定要雙方律師書面確認。
Comments